بنشترى راجل

اخر مواضيعى

شاب كان بيتفرج على فيديو مثير جدا راح حاول يغتصب جارته لما قاومته تحول لقاتل😱

أصل الجريمة 👈 الفراغ يبقى مع الشهوة دمار محقق🔥
سبب درس الليلة شباب كتير اتحطمت نفسياتهم لما بينزل الجامعة بيعمل روش طحن شياكة ولذاذة ومحبوب جدا 💞 بيكلم كل البنات والناس كلها بتحبه
اذن له قيمة كبيرة فى الحياة
فلما تعجبه بنت ويروح يتقدم متهىء له ان عنده امكانيات خطيرة
يتهيئله ان حماه هيعجب به يلاقيه بيسأله هتسكنها فين ✋الشقة بتاعتك ولا ايجار
تقدر تجهز العفش فى خلال قد ايه دخلك الثابت قد ايه
احنا اسفين ✋ ما عندناش بنات للجواز

فهو لو معلق قلبيا بالبنت يتحطم حس ان فى سوق الحياة ملوش قيمة😣 كان فاكر الهزار واللذاذة والروشنة والشهامة مؤهلات للنجاح فى الحياة

الدرس ده صرخة تحذير عشان ما تتحولش لنموذج من الشباب اللى مالية القهاوى محطمين اتعرضوا لتجارب اشعرتهم ان ما لهمش قدر حقيقى فى المجتمع وأحبطوا

🔚مراحل تحطيم وانهيار شاب

⏳المرحلة الأولى : يعيش فى ثانوى وجامعة وفاكر العمر طويل وبمبى وعايش بالطول والعرض
يبدأ حياته الفعلية بعد 25

⏳المرحلة الثانية:
واحدة عجبته راح يتقدم لها أو بيعمل انترفيو فى سفارة دولة علشان يهاجر او فى شركة مالتى ناشونال عشان يتوظف يكتشف أن معندوش أى مؤهلات فى الحياة
كل الأيام اللى قضاها فى اللذاذة كانت محطة والدنيا عدته 😩

⏳المرحلة الثالثة :
يقعد على القهوة مستنى فرصة من السماء وربنا قادر لكن دى مش سنة ربنا فى الكون

⏳المرحلة الرابعة: قعدة القهوة تخليه يبص للحياة بنظرة ثانية بيشوف اللى كان بيحبها راكبة مع خطيبها عربيته سعيدة 🚘 وصاحبه الغنى معدى يبدأ يحقد على المجتمع يبص على الحياة من الزاوية السوداء
مغنى بياخد 200 ألف دولار فى الحفلة لعيب كرة ⚽ شركة لمكالمات المحمول عملت مليون جنيه لكل لاعب هيكسب الماتش
يقول يا ريتنى طلعت مغنى ولا لعيب كرة

🚩الدرس ده لشباب إعدادى وثانوى وجامعة لو فهمتوا الحياة صح الدنيا لسه قدامكو 🚩الشباب اللى من 22-30 وقاعدين محبطين على القهاوى فى عز مراحل انجازهم فى الحياة وحتى أهاليهم مش فاهمينهم

⚠هنصحح أخطر مفهومين هم سبب دمار شباب كتير فى الحياة : الشغل والجواز
الدين مش أفيون بيخدرك لكن ثورة تصحيح و وعى

الشاب فاكر الدنيا بمبى وراح يتقدم فاكر مؤهلاته الشهادة اللى خدها والهدية الى داخل بيها 🎁 وحب الناس ليه فيتصدم بالاسئلة
احنا أهم حاجة عندنا الدين والأخلاق بنشترى راجل 💳 بس لازم نسأل زى الناس 😯 وميسألوش بيصلى ولا لأ ولا له علاقات محرمة ولا لأ
هيسأل عن الشقة فى منطقة راقية ولا شعبية ودخله كام وهيسافر بره ولا لأ وهيشتغل بكام والعفش هيجهز فى كام شهر وابوك وعمك بيشتغلوا ايه وفى شبكة ألماظ 💍 مش دهب
وفى قرية لو الشاب مش هيسافر ايطاليا محدش بيرضى يجوزه بنته 😥
معادوش بيقولوا هتجيب كام غرفة 👊 لا هتجيب من أم كام مش هتجيب أجهزة ايه لأ 👊 جهاز ماركة ايه

فى قائمة شفتها اتهيألى انها هزار مش حقيقية

ولما تخطبها فى خروجات وهدايا وعيديات وهدايا لأمها وأخواتها (يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ
الأم تقول ما يهمناش الشبكة لكن بنت خالتها جالها الماظ 💍💎 ترضى تكسر قلبها والفرح هيبقى فى فندق كام نجمة 🏪 واوبن بوفيه ولا لأ وهتجيب مين يغنى والسيراميك لازم من النوع اللى يعيش20 سنة ولازم شاور بوكس 🚿 وكل ده ليك وده بيتك
لازم ستاير من أم كام ألف والخشب أرو زان والحنفيات ألمانى 🛁 عشان تعيش25 سنة
ده انا بجهزها من وهى فى الحضانة
البنت تسأله حبيت قبل كده ولا لأ خطبت قبل كده ولا لأ هتتجوز عليا ولا لأ
كُلُوا مِن طَيِّبَاتِ مَا رَزَقْنَاكُمْ وَلَا تَطْغَوْا فِيهِ فَيَحِلَّ عَلَيْكُمْ غَضَبِي

✋الطغيان فى الإسراف فى المباحات
شوار العروسة فى الأرياف 15 عربية نقل ليه🚚
يخرج الشاب من اللقاء لو هو مش ملتزم الزنا موجود ببلاش لو بيحبها يتحطم 💔 وينضم لفريق القهوة ويتحرق قلبه على شبابه ويتقهر ☝انت غلطت غلطتين
أولا لم تستعد لهذا الموقف
قعدت فى ثانوى وجامعة فاكر ان الحياة لذاذة وفسح👊 الصيف مش مارينا 🏄 الصيف شغل لازم قبل ما تدخل بيوت الناس تكون مستعد

✌ثانيا ً ماخترتش صح
لازم تختار ناس تقدر كفاحك وتقدرك كبنى آدم مش كل تقييمها لك فلوس وبس

🚫أولا مفهوم الشغل
تستعد ازاى حتى لو انت طالب
روشتة سحرية سباعية
مش هتعرف تطبقها وتستفيد بها غير لو غيرت دماغك ✔

💊الدواء الأول
دور على رزقك من بدرى
الشباب فى مصر بيبدأ حياته العملية بعد التخرج
اعرف واحد أبوه عنده شركة 400 مليون ج ولما اتخرج اخوه مسكه مندوب مبيعات قال تعرف الشغل من السلم من تحت
ازاى وهو ابن صاحب الشركة💲
فجأة ابوه واخوه ماتوا بيقول لو ماكنتش قبلت كلام اخويا كنت ضعت
يعنى كافح رغم ان ابوه عنده ثروة طائلة 💸واحد غنى ابنه بيشتغل فى الصيف ويجيب الافات يصرف على نفسه منها ده اللى بيخليه راجل يعتمد على نفسه ويكتسب خبرات وتنمى قدراته

اشتغل من بدرى من اعدادى وثانوى
لو كنت عديت السن ده خد قرار جرىء وغير الصورة الذهنية عندك عن الشغل
الشغل مش عيب أولاد رؤساء امريكا بيقفوا فى بنزينة فى الصيف⛽ عشان يجيبوا مصاريف دراستهم رغم ان الأب غنى لكن بيتعلموا النضج فى الحياة ويكتسبوا خبرات

الشباب السورى لما جه مصر أثبت ان كثير من الشباب المصرى مش ناجح فى حياته لأن وسط البطالة المزعومة لقوا فرص عمل جبارة
الشباب المصرى عاوز البدلة والكرافتة ومكتب وتكييف❄
ماينفعش فى بداية حياتك توصل للقمة
الدنيا مش هتاخدك فى حضنها من الأول
التفاحة 🍎وقعت على رأس مليون واحد اشمعنى نيوتن اللى اكتشف قانون الجاذبية الفرص لا تأتى الا لمن يستحقها